კურსის შეხვედრები:

PAYROLL-ის პრაქტიკული კურსი მოიცავს 9 შეხვედრას - 10 სალექციო და 14 პრაქტიკულ საათს. 

PAYROLL-ის პრაქტიკული კურსის მიზანი:

PAYROLL-ის პრაქტიკული კურსის მიზანია მონაწილეებს მისცეს პრაქტიკული ცოდნა და უნარები Payroll-ის (შრომის ანაზღაურების) სისტემის დაგეგმვის, გამოთვლისა და მართვის შესახებ. მონაწილეები გაიცნობენ Payroll-ის სრულ ციკლს - შემომავალი დოკუმენტაციიდან საბოლოო ანგარიშსწორებამდე, ისწავლიან ხელფასის კომპონენტების სტრუქტურირებასა და კანონმდებლობის გათვალისწინებას. შექმნიან მათ სპეციფიკაზე მორგებულ და ავტომატურ გამოთვლებზე დაფუძნებულ Payroll ფაილს Excel-ში, ასევე გამოიყენებენ ამ ფაილს პრაქტიკული დავალებების დროს.

კურსის მსმენელები შეძლებენ:

• განახორციელონ Payroll-ის სრული ციკლი — დოკუმენტაციის შეგროვებიდან რეპორტების შექმნამდე;
• განასხვავონ და სწორად გამოთვალონ ხელფასის ძირითადი ელემენტები: ფიქსირებული ანაზღაურება, დანამატები, ზეგანაკვეთური, ბონუსები, შვებულება და ავადმყოფობა;
• გაიგონ შრომის და საგადასახადო კოდექსის ძირითადი პრინციპები, რომლებიც Payroll გამოთვლებზე მოქმედებს;
• შექმნან Payroll ფაილი Excel-ში, გამოიყენონ ძირითადი ფორმულები (IF, ROUND, VLOOKUP/XLOOKUP, PivotTable);
• განახორციელონ ავტომატური გამოთვლები და კონსოლიდაცია მრავალფაილიან Payroll მოდელებში;
• მოამზადონ Payroll რეპორტები და შეჯამებები მართვის ან აუდიტის მიზნით;
• იმუშაონ რთულ შემთხვევებზე - კონტრაქტორები, ნაწილობრივი განაკვეთი, გათავისუფლება და საბოლოო ანგარიშსწორება.

ლექტორები

ლელა კეკუა

• ლელა კეკუა - ადამიანური რესურსების მართვისა და პროფესიული განვითარების 15 წლიანი სამუშაო გამოცდილებით;
• მისი კარიერა ადამიანური რესურსების მიმართულებით კომპანია „Caucasus Online“-ში დაიწყო შერჩევის მენეჯერის პოზიციაზე;
• მუშაობდა ასევე კომპანია „ICR“-ში,  ტრენინგებისა და კარიერული განვითარების მენეჯერის პოზიციაზე;
• მომსახურების სფეროში 8 წლიანი სამუშაო გამოცდილების შემდეგ, ის ხელმძღვანელობდა „საქართველოს რკინიგზის“ ადამიანური რესურსების დეპარტამენტს, რომელიც წარმოადგენს საქართველოში ერთ-ერთ უმსხვილეს დამსაქმებელს;
• „საქართველოს რკინიგზა“-ში მუშაობის პერიოდში კურირებდა პროფესიული განათლების პროექტს სარკინიგზო ტრანსპორტის კოლეჯთან თანამშრომლობით;
• უმუშავია „აჭარა ჯგუფი“-ს ადამიანური რესურსების მართვის კონსულტანტის პოზიციაზე;
• ამ ეტაპზე ლელა წარმოადგენს საერთაშორისო კომპანია „IBA Group“-ს საქართველოს ოფისს;
• ლელასთვის მნიშვნელოვანია, როგორც საკუთარი განვითარება, ასევე სტუდენტებისთვის ახალი გამოცდილების გაზიარება, მათი პროფესიული ზრდისა და სირთულეების გადალახვის ხელშეწყობა.

სოფო კაჭარავა

• ბიზნეს საკონსულტაციო და მომსახურების კომპანია SMART Support-ის  პარტნიორი, განვითარების მიმართულების ლიდი;
• 5 წლიანი სამუშაო გამოცდილებით HR-ში შერჩევის მიმართულებით. 
• იცნობს IT & Tech Recruitment-ის პრინციპებს;
• მუშაობდა სხვადასხვა ინდუსტრიის წარმომადგენელ კომპანიებთან და იცნობს მათ სპეციფიკებს;
• გარდა ძირითადი საქმიანობისა, მუშაობდა პროცესების გაციფრულებასა და ოპტიმიზაციაზე;
• აქვს მართვისა და საზოგადოებრივ მეცნიერებათა სკოლის ბაკალავრის ხარისხი.

სტუდენტის კარიერის პროგრამა

Smart Academy-ის კარიერის განვითარების პროგრამა სტუდენტებს საშუალებას აძლევს, მიღებული ცოდნის პრაქტიკაში რეალიზება შეძლონ. კარიერის განვითარების პროგრამაში ჩართულობა კურსდამთავრებულებს წარმატებულ კომპანიაში, მათთვის საინტერესო პოზიციებზე დასაქმებას უმარტივებს. კარიერის განვითარების მენეჯერების მთავარი ფუნქცია და პასუხისმგებლობა სტუდენტებისთვის წარმატებული კარიერის შექმნის გზაზე მათი მხარდაჭერა და დახმარებაა. თეორიულ და პრაქტიკულ ცოდნასთან ერთად, მნიშვნელოვანია, ვიცოდეთ ჩვენი შესაძლებლობების სწორად დემონსტრირება დამსაქმებლებთან.

როგორ ვეხმარებით სმარტ აკადემიის სტუდენტებს?

კარიერული განვითარების პროგრამა რეზიუმეების შექმნას, გასაუბრებისთვის მომზადების სესიებს და სამსახურის მოძიების სტრატეგიებს მოიცავს. მას შემდეგ რაც სტუდენტები სწავლას ასრულებენ სმარტ აკადემიაში იწყება დასაქმების აქტიური ფაზა. ჩვენი პარტნიორი კომპანიების ფართო ქსელი კურსდამთავრებულებს სთავაზობს შესაძლებლობების ფართო სპექტრს სხვადასხვა ინდუსტრიაში. დასაქმების პროცესში ვაგზავნით ტოპ კურსდამთავრებულების რეზიუმეებს და ვუწევთ რეკომენდაციას. ჩვენი კურსდამთავრებულების პოტენციურ დამსაქმებლებთან დაკავშირების გარდა, ჩვენ ასევე უზრუნველვყოფთ მუდმივ მხარდაჭერასა და კონსულტაციას დასაქმების პროცესში.